Burujabetzak
Energia
Herriek, komunitateek eta herrialdeek beren energia eta lurralde politika propioak definitzeko eskubidea da, nork bere ezaugarrien arabera modu ekologikoki, sozialki, ekonomikoki eta kulturalki egokiak erabiliz.
Telekomunikazioak
Interneteko zuntz sare publikoa ezarriko da, eta berau kudeatuko duen operadore neutro bat sortuko da, arrakala teknologikoarekin bukatu eta interneterako eskubidearen unibertsalizazioa bermatzeko ezinbesteko pauso gisa.
Zaintza
Batetik, zaintza lanak eskaintzen dituzten langileen lan-baldintzak duintzeko zaintza eta akonpainamendu zerbitzu publiko berriak sortu eta eskainiko dira. Bestetik, zaintzen demokratizazioa bilatuko duen zaintza sistema propioa eraikitzeko prozesua abiatuko da.
Merkataritza
Hernanin merkataritza-gune handien eta interneteko salmenta plataforma handiekin lehiatzeko prest dagoen merkataritza sistema propio bat eraikitzea bilatuko da.
Moneta
Moneta sozialaren helburua da ekimenean parte hartzen dutenen arteko zirkuitu ekonomiko itxi bat sortzea. Erronka da zirkuitu horretan Hernaniko Udala, eta ahalik eta biztanle eta enpresa gehien barnebiltzea.
Elikadura
Elikadura burujabetzan aurrera egiteko tokiko elikadura sistema propio bat eraikitzea bilatuko da, eta, horretarako, sektorearen fase guztietan esku hartuko da gobernantza eredu publiko-ekonomiko-herritarraren bidez.
Etxebizitza
Etxebizita sektorea Hernaniko etxebizitzaren egoeraz kezkatuta dagoen herritar talde batek sortu du. Udalarekin batera gauzatu nahi dituzten lan ildoak zehaztu dituzte.
Bioaniztasuna
Ingurumenak, basogintza ereduak eta makroproiektuek sortzen dizkiguten kezkei aurre egiteko unea da, bakoitzak beretik, auzolanean. Horretarako talde hau sortu da Hernanin.
Ekintzailetza
Lanaren planteamendu burujabe bat ere posible dela sinistuta, dagoeneko Hernani Burujaberen ekintzailetza programaren baitan, bi zerbitzu daude martxan.